അബുദാബി : സമൂഹത്തില്‍ ധാര്‍മിക മൂല്‍യങ്ങള്‍ക്ക് വിലകല്‍പിക്കാതിരിക്കുന്ന വര്‍ത്തമാന സാഹചര്യത്തില്‍ സമൂഹ സംസ്‌കൃതിയും ധാര്‍മിക മുന്നേറ്റവും സാധ്യമാവണമെങ്കില്‍ ആത്മീയതയെ ജീവിത പാതയാക്കണമെന്നും ആത്മീയ രംഗത്തെ വരള്‍ച്ചയാണ് ലോകത്തെ പ്രധാന പ്രതിസന്ധിയെന്നും പാണക്കാട് സയ്യിദ് സ്വദിഖലി ശിഹാബ് തങ്ങള്‍. അബുദാബി കണ്ണൂര്‍ ജില്ല എസ് കെ എസ് എസ് എഫ് അബുദാബി ഇന്ത്യന്‍ ഇസ്ലാമിക്‌ സെന്ററില്‍ സംഘടിപ്പിച്ച മജിലിസുന്നൂര്‍ വര്‍ഷിക സമ്മേളനം ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം. ''മന:ശാന്തി ദൈവസ്മരണയിലൂടെ'' എന്ന വിഷയത്തില്‍ സിംസാറുല്‍ ഹഖ് ഹുദവി മുഖ്യ പ്രഭാഷണം നടത്തി. അഷ്‌റഫ്‌ പി വാരം അധ്യക്ഷത വഹിച്ചു. മുഹമ്മദ്‌ അലി ഫൈസി പ്രാര്ത്ഥന നടത്തി. മജ്ലിസുന്നൂര്‍ ആത്മീയ സദസ്സിനു നൌഫല്‍ ആസ്അദി, കെ വി ഹംസ മുസ്ലിയാര്, ഫവാസ് ഫൈസി, റഷീദ് ഫൈസി എന്നിവര്‍ നേതൃത്വം നല്‍കി. തുടര്‍ന്ന് നടന്ന പൊതുസമ്മേളനത്തില്‍ ഉസ്മാന്‍ കരപ്പാത്ത്, സയ്യിദ് ഷുഹൈബ് തങ്ങള്‍, സയ്യിദ് അബ്ദുല്‍ റഹിമാന്‍ തങ്ങള്‍, ഹാരിസ് ബാഖവി, കുഞ്ഞു മുസ്ലിയാര് മൊയ്തു ഹാജി കടന്നപ്പള്‍ളി, ശാദുലി വളക്കൈ, എ. വി അഷ്‌റഫ്‌, കരീം ഹാജി, റഫീക് ഹാജി, ഷിയാസ് സുല്‍ത്താന്‍ എന്നിവര്‍ സംസാരിച്ചു. സാബിര്‍ മാട്ടൂല്‍ സ്വാഗതവും സജീര്‍ ഇരിവേരി നന്ദിയും പറഞ്ഞു.
- Shajeer IRIVERI
