കോഴിക്കോട് : സമസ്ത കേരള ഇസ്‌ലാം മത വിദ്യാഭ്യാസ ബോര്‍ഡ് നിര്‍വ്വാഹക സമിതി യോഗം പുതുതായി 29 മദ്‌റസകള്‍ക്ക് കൂടി അംഗീകാരം നല്‍കിയതോടെ സമസ്തയുടെ കീഴിലുള്ള അംഗീകൃത മദ്‌റസകളുടെ എണ്ണം 9451 ആയി ഉയര്‍ന്നു.
ഹിദായത്തുല്‍ ഇസ്‌ലാം മദ്‌റസ - ഗുരിമജലു, ശംസുല്‍ഉലമാ മദ്‌റസ - കൊമിനട്ക്ക, മിസ്ബാഹുല്‍ ഹുദാ മദ്‌റസ - കൊറിഞ്ചില, അല്‍മദ്‌റസത്തുല്‍ ഖുതുബിയ്യ-റഹ്മത്ത് നഗര്‍, അല്‍മദ്‌റസത്തുല്‍ ഖുതുബ്ബിയ്യ-മീംപ്രി, കുനില്‍ ഇല്‍മു അക്കാദമി - കൈക്കമ്പെ (ദക്ഷിണ കന്നഡ), ഹിദായത്തുല്‍ മുസ്‌ലിമീന്‍ അറബിക് മദ്‌റസ - മട്മാണ്‍, ശംസുല്‍ഉലമാ ഇസ്‌ലാമിക് ജനറല്‍അക്കാദമി മദ്‌റസ -ഇണ്ണ (ഉടുപ്പി), നൂറുല്‍ഹുദാ അറബിക് മദ്‌റസ, ബാംഗ്ലൂര്‍ (കര്‍ണാടക), റൗളത്തുല്‍ ഉലൂം മദ്‌റസ - ന്യൂബോവിഞ്ച, നൂറുല്‍ഹുദാ മദ്‌റസ ബന്തിയോട്- ചൂക്കിരി അട്ക്കം (കാസര്‍ഗോഡ്), മദ്‌റസത്തുല്‍ അന്‍സ്വാര്‍ - അന്‍സ്വാര്‍ നഗര്‍, മദ്‌റസത്തുരിഫാഇയ്യ - കാര്യമ്പലം, അല്‍മദ്‌റസു അബ്ദുറഹിമാന്‍ മുത്‌റബ് അല്‍മുതൈ്വരി - പാറ്റക്കല്‍, റഹ്മാനിയ്യ മദ്‌റസ - പലേരി (കണ്ണൂര്‍), ദാറുല്‍ ഇഹ്‌സാന്‍ മദ്‌റസ - വേഞ്ചേരി, മദീനത്തുല്‍ ഉലൂം മദ്‌റസ - കുറ്റിപ്പാലക്കല്‍ മുക്കം, സഹ്‌റ സെന്‍ട്രല്‍ സ്‌കൂള്‍ മദ്‌റസ - പേരോട്, നൂറുല്‍ ഇഹ്‌സാന്‍ മദ്‌റസ - കൂനെമാക്കില്‍, ഇസ്സത്തുല്‍ ഇസ്‌ലാം മദ്‌റസ - ചാലക്കര (കോഴിക്കോട്), അല്‍മദ്‌റസത്തുല്‍ മുഹമ്മദിയ്യ - ചുങ്കം-വാവൂര്‍, കൗകബുല്‍ ഇസ്‌ലാം മദ്‌റസ - പൂക്കാട്ടീരി, തഅ്‌സീസുല്‍ ഇസ്‌ലാം മദ്‌റസ - പാലത്തിങ്ങല്‍ (മലപ്പുറം), ദാറുസ്സലാം മദ്‌റസ - ആണ്ടിപ്പാടം, നൂറുല്‍ഹുദാ മദ്‌റസ - ശില്‍വിപുരം (പാലക്കാട്), നുസ്രത്തുല്‍ ഇസ്‌ലാം മദ്‌റസ-കൈതമുക്ക് (തൃശൂര്‍), മിശ്ക്കാത്തുല്‍ ഹുദാ മദ്‌റസ - ചേനക്കാല(എറണാകുളം), താജുല്‍ഇഅ്തിസാം മദ്‌റസ - നുവിലഞ്ചേരി (കൊല്ലം), കേരള ഇസ്‌ലാമിക് സെന്റര്‍ മദ്‌റസ - ദോഹ-മഈദര്‍ (ഖത്തര്‍) എന്നീ മദ്‌റസകള്‍ക്കാണ് പുതുതായി അംഗീകാരം നല്‍കിയത്.
സര്‍ക്കാര്‍ ജീവനക്കാര്‍ക്ക് മതസംഘടനകളില്‍ പ്രവര്‍ത്തിക്കുന്നതിന് വിലക്ക് ഏര്‍പ്പെടുത്താനുള്ള സംസ്ഥാന സര്‍ക്കാര്‍ നടപടി റദ്ദാക്കുക, ഇരുപെരുന്നാളുകള്‍ക്കും മൂന്ന് ദിവസം വീതം അവധി അനുവദിക്കുക എന്നീ ആവശ്യങ്ങള്‍ യോഗം അംഗീകരിച്ച പ്രമേയത്തില്‍ ആവശ്യപ്പെട്ടു.
സമസ്ത കോണ്‍ഫറന്‍സ് ഹാളില്‍ചേര്‍ന്ന നിര്‍വ്വാഹക സമിതി യോഗം സമസ്ത കേരള ജംഇയ്യത്തുല്‍ ഉലമാ ജനറല്‍ സെക്രട്ടറി ചെറുശ്ശേരി സൈനുദ്ദീന്‍ മുസ്‌ലിയാര്‍ ഉദ്ഘാടനം ചെയ്തു. വിദ്യാഭ്യാസ ബോര്‍ഡ് പ്രസിഡന്റ് പി.കെ.പി.അബ്ദുസ്സലാം മുസ്‌ലിയാര്‍ അധ്യക്ഷത വഹിച്ചു. ജനറല്‍സെക്രട്ടറി കോട്ടുമല ടി.എം.ബാപ്പു മുസ്‌ലിയാര്‍ സ്വാഗതം പറഞ്ഞു. പ്രൊ. കെ.ആലിക്കുട്ടി മുസ്‌ലിയാര്‍, എം.എ.ഖാസിം മുസ്‌ലിയാര്‍, സി.കെ.എം.സ്വാദിഖ് മുസ്‌ലിയാര്‍, വി.മോയിമോന്‍ഹാജി, ടി.കെ. പരീകുട്ടി ഹാജി, എം.സി. മായിന്‍ ഹാജി, ഹാജി കെ.മമ്മദ് ഫൈസി, ഡോ. ബഹാഉദ്ദീന്‍ മുഹമ്മദ് നദ്‌വി, എം.എം.മുഹ്‌യദ്ദീന്‍ മുസ്‌ലിയാര്‍, കെ.ടി. ഹംസ മുസ്‌ലിയാര്‍, ഒ. അബ്ദുല്‍ഹമീദ് ഫൈസി അമ്പലക്കടവ്, കെ. ഉമര്‍ ഫൈസി മുക്കം, ഇ. മൊയ്തീന്‍ ഫൈസി പുത്തനഴി, എ.വി. അബ്ദുറഹിമാന്‍ മുസ്‌ലിയാര്‍ സംസാരിച്ചു. കെ. മോയിന്‍കുട്ടി മാസ്റ്റര്‍ നന്ദി പറഞ്ഞു.
- SKIMVBoardSamasthalayam Chelari
